მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა იოსებ ხუციშვილმა მორიგი რეკორდი დაამყარა მაიორი იოსებ ხუციშვილი აზიდვებში მორიგი რეკორდის დამყარებას შეეცდება ჯაგა ზვიადაურმა სასჯელაღსრულების დაწესებულებაში მეხუთე რეკორდი დაამყარა მსჯავრდებული ჯაგა ზვიადაური მეხუთე მსოფლიო რეკორდის დამყარებას შეეცდება

11 May 2017

მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა

ვახტანგ აბაშიძე – ზეპირი გამოთვლა
რეკორდსმენმა მხატვარმა – ვახტანგ (ვატო) აბაშიძემ მორიგი მსოფლიო რეკორდი ზეპირ მათემატიკურ გამოთვლაში დაამყარა: მან 200–ნიშნა რიცხვიდან 99–ე ხარისხის ფესვი უმოკლეს დროში გამოიანგარიშა. გარდა ამისა, მას გაუმჯობესებული აქვს აბსტრაქტული ნახატების რაოდენობაც, რომელთა ჯამი უკვე 15 000–ს აჭარბებს.

ღონისძიება 10 აპრილს, საქართველოს რეკორდების ფედერაციის ოფისში ჩატარდა. 400–ის ჩათვლით ნაგულისხმევი სამნიშნა რიცხვთა მწკრივიდან, მსაჯთა კომისიის მიერ ლატარიის პრინციპით შეირჩა რიცხვი – 104, რომლის 99–ე ხარისხში აყვანის შედეგად მიღებულ იქნა 200–ციფრიანი რეზულტატი:

48562450177182127503892997241744678851993175821124227844905623029720194598982377435369734425595384040453730524510641134352003815849478346782159195720994669743551767663343210867104578697078334495391744

200–ციფრიანი რიცხვის ზეპირი ანგარიში


მოცემული რიცხვიდან ვახტანგ აბაშიძემ 99–ე ფესვის გამოთვლა ზუსტად 2 წუთში, 35 წამსა და 31 მეასედში მოახერხა და ახალი მსოფლიო რეკორდი დააფიქსირა.
შედეგის გასამყარებლად, განხორციელდა კიდევ ერთი ცდა: 242–ნიშნა რიცხვიდან (27399) ფესვის გამოანგარიშებისთვის რეკორდსმენს ზუსტად 4.07.93 წუთი დასჭირდა:

15139169695672014168479730672240524444331331088939160751451079173360227298244765361806909393103129012719327017220926565409617423226086978440111197076992829770553463412417912963362219592607802548837451287466950510841442132723166483278887308337

ზეპირი გამოანგარიშების პარალელურად, ვახტანგ აბაშიძეს 5 000 ერთეულით აქვს გაუმჯობესებული საკუთარი რეკორდი აბსტრაქტული ნახატების რაოდენობაში და 15 000–ს აჭარბებს. რეკორდსმენის განცხადებით, ციფრული ნახატები მან „ლენოვოს“ ლეპტოპით შეასრულა და ამჟამად ახალი ნამუშევრების შექმნასაც აგრძელებს.



ღონისძიებას დაესწრო და ვახტანგ აბაშიძის ნამუშევრებს მაღალი შეფასება მიანიჭა სამხატვრო აკადემიის დიზაინის ფაკულტეტის სამრეწველო დიზაინის მიმართულების ხელმძღვანელი – ასოცირებული პროფესორი, ბატონი ჯუმბერ ბეჭვაია.

შეგახსენებთ, რომ ვახტანგ აბაშიძეს რეკორდსმენის სტატუსი პირველად 2014 წლის 16 დეკემბერს მიენიჭა, ციფრულ ფორმატში შესრულებული მაქსიმალური რაოდენობის (10 000–ზე მეტი) აბსტრაქტული ნახატისა და ესკიზების (5 383 ერთეული) შექმნისათვის. რაც შეეხება მის გონებრივ შესაძლებლობებს, ადრეული ასაკიდან უნიკალური შედეგები ჰქონდა ზეპირ მათემატიკურ გამოთვლაში, თუმცა ამ სფეროში ოფიციალური სარეკორდო შედეგი ახლა დააფიქსირა.




26 February 2017

იოსებ ხუციშვილმა მორიგი რეკორდი დაამყარა

შსს–ს თანამშრომელმა რეკორდი კიდევ ერთხელ დაამყარა
მრავალგზის მსოფლიო რეკორდსმენმა – პოლიციის მაიორმა იოსებ ხუციშვილმა აზიდვებში საკუთარი მსოფლიო რეკორდი გააუმჯობესა. ღონისძიება შინაგან საქმეთა სამინისტროსა და „კოკა-კოლა ბოთლერს ჯორჯიას“ მხარდაჭერით ჩატარდა.

ასპარეზობა 23 თებერვალს, შსს ლოჯისტიკის დეპარტამენტის სპორტულ კომპლექსში ჩატარდა. ხუციშვილის მიზანი ცალ ხელზე, ამოტრიალებული მტევნით ერთ წუთში 65–ზე მეტი აზიდვის შესრულება იყო. მან მნიშვნელოვანი სხვაობით გადააჭარბა საჭირო რაოდენობას და 60 წამში 82 მოძრაობა შეასრულა. შედეგი საქართველოს რეკორდების ფედერაციამ დააფიქსირა. ღონისძიებას შინაგან საქმეთა მინისტრის მოადგილე – დავით ვარდიაშვილი დაესწრო და სპორტსმენს წარმატება პირადად მიულოცა.

37 წლის იოსებ ხუციშვილი შსს–ს ლოჯისტიკის დეპარტამენტის სპორტული კომპლექსის განყოფილებას ხელმძღვანელობს. მას საქართველოს რეკორდების ფედერაციის ორგანიზებით ათზე მეტი მსოფლიო რეკორდი აქვს დამყარებული აზიდვებსა და ორძელზე ვარჯიშში. აგრეთვე, წარმატებულად ასპარეზობს თავისუფალი სტილით ჭიდაობაში: გასული წლის ოქტომბერში, მსოფლიო ჩემპიონატზე ბრინჯაოს მედალი მოიპოვა, 2013 წელს კი ბელფასტში, “პოლიციისა და სახანძრო სამსახურის მსოფლიო ოლიმპიადის” ჩემპიონი გახდა.

ამ თემაზე:









22 February 2017

მაიორი იოსებ ხუციშვილი აზიდვებში მორიგი რეკორდის დამყარებას შეეცდება

იოსებ ხუციშვილი რეკორდის მოხსნას შეეცდება
23 თებერვალს, 13:00 საათზე, მრავალგზის მსოფლიო რეკორდსმენი – პოლიციის მაიორი იოსებ ხუციშვილი აზიდვებში საკუთარი შედეგის გაუმჯობესებას შეეცდება. ღონისძიების მხარდამჭერია შინაგან საქმეთა სამინისტრო.

ხუციშვილის მიზანია ცალ ხელზე, ამოტრიალებული მტევნით ერთ წუთში მაქსიმალური რაოდენობის აზიდვების შესრულება. ამ სახეობაში მოქმედი რეკორდის ავტორი თავად იოსებ ხუციშვილია (65 აზიდვა), მანამდე კი საუკეთესო შედეგი (59 აზიდვა) კანადელ დაგ პრუდენს ეკუთვნოდა.

ღონისძიება შსს ლოჯისტიკის დეპარტამენტის სპორტულ კომპლექსში (კახეთის გზატკეცილი, 38–ე კილომეტრი), ჩატარდება. რეკორდის დამყარების პროცესს დაესწრებიან და ადგილზე დააფიქსირებენ საქართველოს რეკორდების ფედერაციის წარმომადგენლები.

37 წლის იოსებ ხუციშვილი შსს–ს ლოჯისტიკის დეპარტამენტის სპორტული კომპლექსის განყოფილებას ხელმძღვანელობს. მას საქართველოს რეკორდების ფედერაციის ორგანიზებით ათზე მეტი მსოფლიო რეკორდი აქვს დამყარებული აზიდვებსა და ორძელზე ვარჯიშში. აგრეთვე, წარმატებულად ასპარეზობს თავისუფალი სტილით ჭიდაობაში: გასული წლის ოქტომბერში, მსოფლიო ჩემპიონატზე ბრინჯაოს მედალი მოიპოვა, 2013 წელს კი ბელფასტში, “პოლიციისა და სახანძრო სამსახურის მსოფლიო ოლიმპიადის” ჩემპიონი გახდა.



ამ თემაზე:

“იოსებ ხუციშვილმა ვეტერანთა მსოფლიო ჩემპიონატზე ბრინჯაოს მედალი მოიპოვა (VIDEO)”

“იოსებ ხუციშვილმა ორი ახალი რეკორდი დაამყარა”

“შინაგან საქმეთა სამინისტროს თანამშრომლები რეკორდების დამყარებას შეეცდებიან”

“სასჯელაღსრულების დეპარტამენტის თანამშრომელმა ორი რეკორდი მოხსნა”

“შინაგან საქმეთა სამინისტროს თანამშრომლებმა რეკორდები დაამყარეს”

“შსს–ს ორი თანამშრომელი რეკორდების დამყარებას შეეცდება”

“იოსებ ხუციშვილმა ბრიტანელი პედი დოილის რეკორდი მოხსნა”

“პოლიციის კაპიტანი იოსებ ხუციშვილი გინესის რეკორდის მოხსნას შეეცდება“