ჩხოროწყუში ყველაზე დიდი ელარჯი მომზადდება სახელმწიფო დაცვის სპეციალური სამსახურის თანამშრომელმა მეორე რეკორდი დაამყარა სახელმწიფო დაცვის სპეციალური სამსახურის თანამშრომელმა მსოფლიო რეკორდი დაამყარა მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა იოსებ ხუციშვილმა მორიგი რეკორდი დაამყარა

26 November 2014

SMS–რეკორდი მოხსნილია: თინეიჯერმა 25 სიტყვა 17 წამში აკრიფა

17 წლის მარსელ ფერნანდეს ფილჰომ მოკლე ტექსტური შეტყობინების აკრეფაში საკუთარი რეკორდი გააუმჯობესა. ბრაზილიელმა მოზარდმა 160 სიმბოლოსგან შედგენილი ტექსტი 17 წამში აკრიფა. ახალი რეკორდის დასამყარებლად მან Iphone 6–ის სენსორული ეკრანი გამოიყენა.

რეკორდის მოსახსნელად ფილჰოს უშეცდომოდ უნდა აეკრიფა შემდეგი ტექსტი: „The razor-toothed piranhas of the genera Serrasalmus and Pygocentrus are the most ferocious freshwater fish in the world. In reality they seldom attack a human.“

წინა რეკორდზე, რომელიც 25 აპრილს ნიუ–იორკში გაიმართა, მარსელმა იგივე ტექსტი 18.19 წამში აკრიფა. მაშინ მან Samsung Galaxy S4–ის მობილური ტელეფონი გამოიყენა, რომელზეც კომპანია Fleksy–ის კლავიატურის აპლიკაცია იყო დაინსტალირებული. გავრცელებული ინფორმაციით, სწორედ Fleksy–მ უზრუნველყო ბრაზილიელი მოზარდის გადაფრენა ამერიკის შეერთებულ შტატებში, რეკორდის დასამყარებლად.

აღსანიშნავია, რომ ფილოჰოს წინამორბედი ინდოელი გაურავ შარმა იყო, რომელმაც გინესის რეკორდსმენის ტიტული 15 წლის ასაკში მიიღო – სტანდარტული SMS–ის დაწერას მან ზუსტად 18.44 წამი მოანდომა. შარმას რეკორდს კომპანია „მაიკროსოფტი“ უჭერდა მხარს.


მასალა მომზადებულია „IBN LIVE“–ის მიხედვით

25 November 2014

ყველაზე სწრაფი ექსკავატორი მსოფლიოში (ვიდეო)

ბრიტანული წარმოების უკუჩამჩიანი მტვირთავი ექსკავატორი JCB GT უკვე ოფიციალურად ფლობს სისწრაფის რეკორდს. ონლაინ–გამოცემა „Equipment World–ის ინფორმაციით, ექსკავატორის მიერ განვითარებულმა სისწრაფემ საათში 116 კილომეტრს გადააჭარბა.

სარეკორდო „გარბენი“ 21 ოქტომბერს, ავსტრალიის დედაქალაქ სიდნეის მახლობლად, ბეთჰარსტის აეროპორტში გაიმართა. „Equipment World–ის“ ცნობით, სპეციალურად ამ ფაქტზე დასაკვირვებლად ავსტრალიაში გინესის მსოფლიო რეკორდების მსაჯები ჩავიდნენ. უსწრაფესის ტიტულის მისაღებად, ექსკავატორის სისწრაფეს საათში 110 კილომეტრისთვის უნდა მიეღწია, თუმცა JCB GT–მ ზუსტად 116.82 კმ/სთ განავითარა და გინესის მიერ დაწესებული ბარიერი წარმატებით გადალახა. მწარმოებლების განცხადებით, ამ შედეგის მიღწევა ალუმინის მსუბუქმა კორპუსმა და დაახლოებით 1000 ცხენის ძალის მქონე შევროლეტის ძრავმა განაპირობა.



სარეკორდო გარბენის შესრულების დროს, ექსკავატორის საჭეს JCB–ს მძღოლი, 43 წლის მეთიუ ლუკასი მართავდა. „ჩემთვის სასიხარულოა ასეთ საინტერესო პროექტში მონაწილეობა, განსაკუთრებით იმის გამო, რომ მსოფლიო რეკორდის თანამონაწილეობის პატივი მერგო“ – განაცხადა ლუკასმა წარმატებული გამოსვლის შემდეგ.

აღსანიშნავია, რომ მაქსიმალური სიჩქარის რეკორდი არ არის ერთადერთი უმაღლესი მიღწევა, რომელსაც  JCB–ს უკუჩამჩიანი ექსკავატორი ფლობს – 1953 წლიდან დღემდე კომპანიას ნახევარ მილიონზე მეტი ექსკავატორი აქვს წარმოებული, უკანასკნელი 14 წლის განმავლობაში კი ის უცვლელად ინარჩუნებს ყველაზე გაყიდვადი მოდელის სტატუსს.

 მასალა მომზადებულია „Equipment World–ის“ მიხედვით

ამ თემაზე:










23 November 2014

სარეკორდო ტრიუკი სატვირთო ავტომობილისა და ფორმულა 1–ის ბოლიდის შესრულებით (ვიდეო)

21 ნოემბერს YouTube–ზე გავრცელდა  ვიდეორგოლი, რომელიც ასახავს ნახევრად სატვირთო ავტომობილისა და ფორმულა 1–ის ბოლიდის მიერ შესრულებულ ექსტრემალურ სარეკორდო ტრიუკს, რომლის დროსაც სატვირთო 25–მეტრიან ნახტომს ასრულებს „ლოტუსის“ გუნდის ბოლიდის ზემოთ. ვიდეომასალის ავტორი კომპანია EMC  Corporation აღმოჩნდა, რომელიც თანამედროვე ტექნოლოგიების სფეროში მოღვაწე ერთ–ერთი მასშტაბური ორგანიზაციაა.

ვიდეოში ჩანს ერთმანეთის პარალელურად დიდი სისწრაფით მოძრავი ავტომობილები, რომელთა ტრაექტორია მოულოდნელად იკვეთება – სატვირთო ავტომობილი უეცრად ადის წინასწარ მოწყობილ „ტრამპლინზე“, „ლოტუსის“ ბოლიდი კი მკვეთრად უხვევს მარცხნივ და უკვე ჰაერში მყოფი სატვირთოს ქვეშ ძვრება. სატვირთოს ნახტომის სიგრძემ ზუსტად 25.47 მეტრი (83 ფუტი და 7 ინჩი) შეადგინა. ტრიუკის შესრულების დროს ავტომობილებს ჰოლივუდის კასკადიორები – მაიკ რაიანი და მარტინ ივანოვი მართავდნენ. მათ უკვე შესრულებული აქვთ მსგავსი ტრიუკები ცნობილ ფილმებში: „ჯეიმს ბონდი“, „ბორნის იდენტიფიკაცია“, „ტერმინატორი“ და სხვ.


ექსტრემალური ნახტომი კომპანია EMC–ს მორიგი წარმატებული მარკეტინგული აქცია აღმოჩნდა: ამ დროისათვის ვიდეო უკვე 2 მილიონზე მეტმა ინტერნეტ–მომხმარებელმა ნახა და აქტიურად გაშუქდა მედიაში, თუმცა სარეკორდო ტრიუკი ჯერჯერობით ოფიციალური აღიარების მოლოდინშია.



მასალა მოზადებულია „Daily Mail–ის“ მიხედვით

ამ თემაზე:










22 November 2014

ჩინეთში პარალელური პარკირებისა და დრიფტის რეკორდები დამყარდა (ვიდეო)

14 ნოემბერს, ჩინეთის დრიფტის ჩემპიონატზე ორი ახალი ავტორეკორდი დამყარდა. ორივე მათგანის ავტორი ექსტრემალი მძღოლი ჰენ იუ იყო, რომელმაც ე.წ. „პარალელურ პარკირებაში“ ურთულესი ტრიუკი შეასრულა და ორწლიანი პაუზის შემდეგ კვლავ დაიბრუნა რეკორდსმენის ტიტული. 

„პარალელური პარკირების“ რეკორდი გულისხმობს ავტომობილის ჩაყენებას მინიმალურ სივრცეში, ორ სხვა ავტომობილს შორის. ამ კატეგორიის რეკორდი ჰენმა პირველად 2012 წელს მოხსნა, როდესაც ავტომობილის პარკირების შემდეგ 15სმ თავისუფალი სივრცე დარჩა. ერთი წლის შემდეგ ჰენის მიღწევა ბრიტანელმა ალასტაირ მოფეტმა გააუჯობესა, 8.6 სანტიმეტრიანი რეზულტატით. ავტოსამყაროს ექსპერტების უმრავლესობა მიიჩნევდა, რომ მოფეტის შედეგის გაუმჯობესება შეუძლებელი იყო, თუმცა გასულ პარასკევს ჰენ იუმ 6–მილიმეტრიანი სხვაობით მოახერხა ბრიტანელის რეკორდის მოხსნა.



ჰენ იუ მხოლოდ ერთი რეკორდით არ დაკმაყოფილდა და კიდევ ერთი ურთულესი ტრიუკი შეასრულა მეგობართან, ჟენგ შენგჯანთან ერთად – ვიდრე ჰენი თავის მინიკუპერს ორ ბორბალზე ატარებდა, ჟენგმა მის გარშემო BMW M4–ით წუთში 10 წრიული მოძრაობის შესრულება მოახერხა.



ჰენ იუს განცხადებით, მისი მოტივაცია რეკორდის დასამყარებლად განაპირობა სურვილმა, დაებრუნებინა რეკორდის ტიტული ჩინეთში და დაემტკიცებინა, რომ მის სამშობლოში მსოფლიოს საუკეთესო მძღოლები ცხოვრობენ.

მასალა მომზადებულია „გინესის მსოფლიო რეკორდების“ მიხედვით

ამ თემაზე:








19 November 2014

ქართველმა რეკორდსმენმა 22.5–ტონიანი ვაგონი თითით გაათრია


7 ნოემბერს, თბილისის ელექტრომოძრავი შემადგენლობის სარემონტო ქარხანაში ქართველი რეკორდსმენის, 25 წლის გიორგი როსტომაშვილის წინასარეკორდო–საცდელი ასპარეზობა გაიმართა. მან 22.5–ტონიანი სარკინიგზო ვაგონი ერთი თითით გაათრია. ღონისძიებას საქართველოს რეკორდების ფედერაციის წევრები დაესწრნენ. როსტომაშვილმა პირველი რეკორდი მიმდინარე წლის იანვარში, 25–კილოგრამიანი ტვირთის ე.წ. „ფლიპინგში“ დაამყარა, სამომავლოდ კი საკუთარი შედეგების გაუმჯობესებას გეგმავს.

ამ თემაზე: