ჩხოროწყუში ყველაზე დიდი ელარჯი მომზადდება სახელმწიფო დაცვის სპეციალური სამსახურის თანამშრომელმა მეორე რეკორდი დაამყარა სახელმწიფო დაცვის სპეციალური სამსახურის თანამშრომელმა მსოფლიო რეკორდი დაამყარა მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა იოსებ ხუციშვილმა მორიგი რეკორდი დაამყარა

18 February 2015

ალტერნატიული რეკორდების წიგნში კიდევ ხუთი ქართველი მოხვდა

უმაღლესი მიღწევების ერთ–ერთი ყველაზე ავტორიტეტული გამოცემის – ალტერნატიული რეკორდების წიგნის“ აღიარება კიდევ ხუთმა ქართველმა რეკორდსმენმა: ანა ლომინაძემ, თემურ დადიანმა, კუკური სალბიშვილმა, არტაშეს ელბაქიანმა და გიორგი როსტომაშვილმა მოიპოვა. მანამდე, ზემოაღნიშნული წიგნის მონაცემთა ბაზაში მხოლოდ დავით ბეგიაშვილის რეკორდები იყო შეტანილი.

ამ დროისათვის „ალტერნატიული რეკორდების წიგნში“ საქართველოდან შვიდი მსოფლიო რეკორდია წარმოდგენილი. ყველა მათგანი საქართველოს რეკორდების ფედერაციის მიერ გაგზავნილი დოკუმენტების საფუძველზე დამტკიცდა. სპორტსმენებმა გერმანიიდან უკვე მიიღეს მათი მიღწევების დამადასტურებელი სერტიფიკატები.

გთავაზობთ „ალტერნატიული რეკორდების წიგნში“ შეტანილი ქართული რეკორდების სრულ სიას:

ხელფეხშეკრულ მდგომარეობაში ცურვა ყველაზე დიდ მანძილზე:  2012 წლის 30 აგვისტოს, 17 წლის ასაკში, ანა ლომინაძემ ხელფეხშეკრულ მდგომარეობაში შეუსვენებლად  გადაცურა დარდანელის სრუტის 5.5–კილომეტრიანი მონაკვეთი. იხილეთ ვიდეო

rekordi curvashi

აზდვები „ფლენჩის“ პოზიციაში: 2014 წლის 3 აგვისტოს, თავდაცვის სამინისტროში გამართულ ღონისძიებაზე, ამპუტირებულმა სამხედრო მოსამსახურე თემურ დადიანმა ერთ წუთზე ნაკლებ დროში (38.25 წამში) შეასრულა 36 აზიდვა ე.წ. „ფლენჩის“ (Planche) პოზიციაში. იხილეთ ვრცლად

amputirebuli azidvebi

აზიდვები „ბაკასანას“ პოზიციაში: 2014 წლის 16 სექტემბერს, ქართველმა მსჯავრდებულმა კუკური სალბიშვილმა იოგას პოზაში – „ბაკასანა“ ზედიზედ 42 აზიდვა შეასრულა. ღონისძიება ქსნის #15 სასჯელაღსრულების დაწესებულებაში ჩატარდა. იხილეთ ვრცლად

Smiley facekukuri salbishvili msjavrdebuli rekordsmeni

ტურნიკზე შესრულებული ყველაზე მეტი ბრუნი: 2013 წლის 1 დეკემბერს, რაბათის ციხეზე გამართულ სარეკორდო ღონისძიებაზე ახალციხის მკვიდრმა არტაშეს ელბაქიანმა ჰორიზონტალურ ძელზე – ტურნიკზე ზედიზედ 401 ბრუნი შეასრულა. იხილეთ ვრცლად

artashes elbaqiani turnikze

25–კილოგრამიანი ტვირთის „ფლიპინგი“: 2014 წლის 23 იანვარს, ტელეკომპანია „რუსთავი 2“–ის დილის გადაცემაში გიორგი როსტომაშვილმა ავსტრალიელი სპორტსმენის მსოფლიო რეკორდი მოხსნა ე.წ. „ფლიპინგში“: მან ცალი ხელით, ერთ წუთში, 25 კგ. წონის ტვირთი ნახევარწრიული (1800–იანი) ბრუნით ჰაერში 29–ჯერ ააგდო და დაიჭირა. იხილეთ ვრცლად

giorgi rostomashvili

მუცლის პრესის ვარჯიში 5 წუთში: 2012 წლის 19 ნოემბერს დავით ბეგიაშვილმა მუცლის პრესის ვარჯიშში შეუსვენებლად 268 მოძრაობა შეასრულა. იხილეთ ვიდეო

davit begiashvilis rekordi

მუცლის პრესის ვარჯიში 30 წუთში: 2011 წლის 25 ივლისს დავით ბეგიაშვილმა მუცლის პრესის ვარჯიშში შეუსვენებლად 1 430 მოძრაობა შეასრულა და ამერიკელი გაი სკოტის რეკორდი მოხსნა. სკოტის საუკეთესო შედეგი 1 337 მოძრაობა იყო. იხილეთ ვიდეო
davit begiashvili presebi

„ალტერნატიული რეკორდების წიგნი“ საქართველოს რეკორდების ფედერაციის ერთ–ერთი მნიშვნელოვანი პარტნიორი ორგანიზაციაა. გინესის წიგნის შემდეგ ის სიდიდით მეორე მონაცემთა ბაზაა მსოფლიოში. წიგნის ბეჭდური ვერსია პირველად 1984 წელს, გერმანიაში გამოიცა.

ამ თემაზე:

„ყველაზე უცნაური რეკორდების კრებულში ორი ქართველის შედეგები მოხვდა (ვიდეო)“

06 February 2015

ყველაზე უცნაური რეკორდების კრებულში ორი ქართველის შედეგები მოხვდა (ვიდეო)

რეკორდების მარეგისტრირებელმა ამერიკულმა ორგანიზაცია „რეკორდსეთერმა“ (RSWR) გამოაქვეყნა ვიდეორგოლი, რომელიც აზიდვების ყველაზე უცნაურ მსოფლიო რეკორდებს შეიცავს. კრებულში შეტანილია ორი ქართველის – ირაკლი ვეკუასა და კუკური სალბიშვილის მიღწევები.

ორწუთიანი ვიდეორგოლი ორგანიზაციის ოფიციალურ ვიდეოარხზე ორშაბათს გამოქვეყნდა. კრებულში სულ ცხრა მსოფლიო რეკორდი მოხვდა, მათ შორის – ორი საქართველოდან. დანარჩენი შვიდი რეკორდი კი ქვეყნების მიხედვით შემდეგნაირად გადანაწილდა: აშშ – 3, საფრანგეთი – 2, ინგლისი – 1, ეგვიპტე – 1.



ირაკლი ვეკუას ცერა თითებზე აზიდვის რეკორდი, რომელმაც „რეკორდსეთერის“ ყურადღება მიიპყრო, 2012 წელს, საქართველოს ტექნიკური უნივერსიტეტის მე-2 კორპუსის სპორტულ დარბაზში დამყარდა. მაშინ ვეკუამ ორ თითზე 48 აზიდვა შეასრულა. ეს შედეგი დღემდე მოუხსნელია.

„რეკორდსეთერის“ კიდევ ერთი რჩეული გახდა ქართველი მსჯავრდებულის – კუკური სალბიშვილის მიერ ერთ თითზე შესრულებული აზიდვები: 2013 წელს სალბიშვილი მარჯვენა ხელის შუათითზე 17–ჯერ აიზიდა, 2014 წლის 16 სექტემბერს კი საკუთარი შედეგი 8 ერთეულით გააუმჯობესა, აგრეთვე, იმავე დღეს დაამყარა ახალი მსოფლიო რეკორდი ე.წ. „ბაკასანას“ აზიდვებში. ორივე ღონისძიება ქსნის №15 სასჯელაღსრულების დაწესებულებაში ჩატარდა და საქართველოს რეკორდების ფედერაციის მსაჯების მიერ ადგილზე დაფიქსირდა.

„რეკორდსეთერი“ უმაღლესი მიღწევების მარეგისტრირებელი ორგანიზაციაა. დაარსდა 2008 წელს ნიუ–იორკში (აშშ) და გამოსცემს „რეკორდსეთერის მსოფლიო რეკორდების წიგნს“. გასული წლის დეკემბერში ორგანიზაციამ 2014 წლის საუკეთესო რეკორდების ტოპ ათეული გამოაქვეყნა, რომელშიც ქართველი ჯარისკაცის – თემურ დადიანის მიღწევა მოხვდა.

ამ თემაზე:





03 February 2015

ვახტანგ აბაშიძე სამხატვრო აკადემიის სტუდენტებს შეხვდა

27 იანვარს, თბილისის სახელმწიფო სამხატვრო აკადემიაში, თვითნასწავლმა მხატვარმა და რეკორდსმენმა ვახტანგ აბაშიძემ აკადემიის სტუდენტებთან და პროფესორებთან შეხვედრა გამართა. ღონისძიების ორგანიზატორი დიზაინის ფაკულტეტის სამრეწველო დიზაინის მიმართულების ხელმძღვანელი – ასოცირებული პროფესორი ჯუმბერ ბეჭვაია იყო.

ვახტანგ აბაშიძემ დამსწრე საზოგადოებას ფერების აღქმის მისეული ხედვა გააცნო და საკუთარი ნამუშევრები წარუდგინა. შეხვედრა კითხვა–პასუხის რეჟიმში წარიმართა, ღონისძიების დასრულების შემდეგ კი აკადემიის პროფესორებისგან უმაღლესი შეფასებები დაიმსახურა:


„დღევანდელი ღონისძიება გამორჩეული და განსაკუთრებული იყო. მიხარია, რომ ამ შეხვედრის ორგანიზატორი მე ვიყავი. საქართველოში გამოჩნდა  ადამიანი, რომელიც გამოირჩევა სრულიად უნიკალური მონაცმებით, სრულიად უნიკალური უნარით და შეუძლებელი იქნებოდა, ეს ფაქტი ყურადღების გარეშე დარჩენილიყო. დიდი ინტერესით ვადევნებთ თვალყურს მის შემდგომ მუშაობას“ – განაცხადა ჯუმბერ ბეჭვაიამ.


„საკვირველია, რასაც ის აკეთებს. ძნელია მისი შემოქმედება ჩარჩოებში ჩასვა. მე შოკირებული ვარ ამ ნამუშევრებით, არა რაოდენობის, არამედ მხატვრული ღირებულების გამო. ვთვლი, რომ თითქმის 70% წმინდა წყლის მხატვრობაა“ – აღნიშნა აკადემიის მოწვეულმა პროფესორმა სოსო ასათიანმა.

ვახტანგ აბაშიძე ხელოვნების სფეროში ერთდროულად ორ მსოფლიო რეკორდს ფლობს: მიუხედავად იმისა, რომ სამხატვრო განათლება არასოდეს მიუღია, შექმნილი აქვს საყოფაცხოვრებო ავეჯის 5 383 ესკიზი (A4 ზომის ფურცლებზე) და 10 000–ზე მეტი აბსტრაქტული ნახატი (ციფრულ ფორმატში). თითოეული რიცხობრივი პარამეტრი დაფიქსირებულია საქართველოს რეკორდების ფედერაციის მიერ. მხატვრული ნიჭის გარდა, ვახტანგ აბაშიძე განსაკუთრებული მეხსიერებითი უნარით გამოირჩევა და ფლობს არაოფიციალურ რეკორდს 7–ციფრიანი რიცხვების ზეპირ გამრავლებაში.

იხილეთ ღონისძიების ფოტოები და ვიდეო:



ამ თემაზე: