ჩხოროწყუში ყველაზე დიდი ელარჯი მომზადდება სახელმწიფო დაცვის სპეციალური სამსახურის თანამშრომელმა მეორე რეკორდი დაამყარა სახელმწიფო დაცვის სპეციალური სამსახურის თანამშრომელმა მსოფლიო რეკორდი დაამყარა მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა იოსებ ხუციშვილმა მორიგი რეკორდი დაამყარა

31 December 2015

მსჯავრდებულმა ჯაგა ზვიადაურმა ახალი რეკორდი დაამყარა

ჯაგა ზვიადაურმა ჩაჯდომების რეკორდი დაამყარა
მსოფლიო რეკორდსმენმა – 39 წლის მსჯავრდებულმა ჯაგა ზვიადაურმა, ე.წ. „ჩაჯდომების“ ვარჯიშში მორიგი რეკორდი დაამყარა. სპორტული ღონისძიება 28 დეკემბერს, რუსთავის მე–17 სასჯელაღსრულების დაწესებულებაში ჩატარდა, სადაც ზვიადაური იხდის სასჯელს.

შესაბამისი კრიტერიუმების დასაკმაყოფილებლად, ჯაგა ზვიადაურმა 93.7 კგ წონის შტანგით ერთი წუთის განმავლობაში 33 „ჩაჯდომა“ შეასრულა. საქართველოს რეკორდების ფედერაციის მსაჯთა კომისიამ ადგილზე დაადასტურა შედეგი და მსჯავრდებულს მისი მიღწევის დამადასტურებელი სერტიფიკატი გადასცა.

აღსანიშნავია, რომ ჯაგა ზვიადაურისთვის ეს პირველი რეკორდი არ ყოფილა: მისი დებიუტი მიმდინარე წლის 25 სექტემბერს შედგა, როდესაც ცალ ფეხზე, ერთი წუთის განმავლობაში 62 „ჩაჯდომა“ შეასრულა და იტალიელი სილვიო საბას შედეგი გააუმჯობესა. ახალი რეკორდების დამყარებას იგი მომავალშიც აპირებს.

ქართველი პატიმარი ამყარებს მსოფლიო რეკორდს "ჩაჯდომაში" / ბუქნები

ჯაგა ზვიადაური 1976 წლის 25 დეკემბერს თბილისში დაიბადა. ჰყავს მეუღლე და ორი შვილი. წარსულში სპორტით დაკავებული არ ყოფილა. იგი სასჯელს 2006 წლიდან იხდის.

ამ თემაზე:

„მსჯავრდებულმა ჯაგა ზვიადაურმა მსოფლიო რეკორდი დაამყარა“

„მსჯავრდებული ჯაგა ზვიადაური რეკორდის დამყარებას შეეცდება“

„მსჯავრდებული რეკორდსმენი კუკური სალბიშვილი პატიმრობიდან გათავისუფლდა“

„გაიღიმე, ცხოვრება გრძელდება!“ – ქართველი პატიმარი რეკორდსმენის ავტობიოგრაფია“

„ქართველი რეკორდსმენები მსჯავრდებულებს შეხვდნენ (ვიდეო)“

„ქართველმა მსჯავრდებულმა ორი ახალი რეკორდი დაამყარა“

„მსჯავრდებული კუკური სალბიშვილი ორი ახალი რეკორდის დამყარებას შეეცდება“

25 December 2015

თემურ დადიანის მეორე რეკორდი 2015 წლის ტოპ–ათეულშია

temo dadiani azidvebi
ქართველი ჯარისკაცისა და პარასპორტსმენის – თემურ დადიანის მეორე რეკორდი 2015 წლის საუკეთესო რეკორდების სიაში შეიტანეს. რეიტინგის ავტორი ამერიკული ორგანიზაცია „რეკორდსეთერია“, რომლის ყოველწლიურ რეიტინგში თემურ დადიანის მიღწევები ზედიზედ მეორედ მოხვდა.

„რეკორდსეთერმა“ დადიანის მიერ შესრულებული 36 „ფლენჩ“ (Planche) აზიდვა საუკეთესო მიღწევების სიაში 2014 წელს შეიტანა. 2015 წლის 7 ივნისს ქართველმა ჯარისკაცმა საკუთარი მიღწევა გააუმჯობესა და წუთში 44–ჯერ აიზიდა. ეს რეზულტატი კიდევ ერთხელ აღიარეს უმაღლესი მიღწევების მარეგისტრირებელმა ორგანიზაციებმა, წლის ბოლოს კი, ისევე, როგორც წინა რეკორდი, ტოპ–ათეულში მოხვდა.

The 7th most awesome world record of the year...

თემურ დადიანი ISAF–ის მისიის ყოფილი მონაწილე ჯარისკაცია. იგი 2011 წელს, ავღანეთში მსახურობის დროს ხელნაკეთი ნაღმზე აფეთქდა და ორივე ფეხი და მარჯვენა ხელის ნეკა თითი დაკარგა. აფეთქებიდან ზუსტად სამი წლისთავზე – 2014 წლის 3 აგვისტოს კი უპრეცედენტო მსოფლიო რეკორდი დაამყარა ე.წ. „ამპუტირებულ“ აზიდვაში, რომელიც მიმდინარე წლის ივნისში თვითონვე გააუმჯობესა. თემურ დადიანი წარმატებულად ასპარეზობს სპორტის სხვა სახეობებშიც: არის მსოფლიოს ვიცე–ჩემპიონი პარამკლავჭიდში (ორივე მკლავით), აგრეთვე რეგულარულად მონაწილეობს ეტლით ფარიკაობის ტურნირებში. ამჟამად მსახურობს დავით აღმაშენებლის სახელობის ეროვნულ თავდაცვის აკადემიაში. პარალელურად, სწავლობს შავი ზღვის საერთაშორისო უნივერსიტეტში, სოციალურ მეცნიერებათა ფაკულტეტზე.

ამ თემაზე:












„ავღანეთში დაჭრილი ქართველი ჯარისკაცი რეკორდის დასამყარებლად ემზადება“

22 December 2015

ბადრი ჯიქურაულმა საკუთარი რეკორდი გააუმჯობესა

sarekordo gonisdzieba gldanis turnirze
ორგზის მსოფლიო რეკორდსმენმა – ბადრი ჯიქურაულმა აზიდვაში საკუთარი რეკორდი გააუმჯობესა. სარეკორდო ასპარეზობა 17 დეკემბერს, „გლდანის პროფესიული მომზადების ცენტრში“, გლდანის რაიონის გამგეობის მხარდაჭერით ჩატარდა.

45 წლის ბადრი ჯიქურაულმა მიმდინარე წლის აპრილში ბრიტანელი და ავსტრალიელი სპორტსმენების რეკორდები მოხსნა, 60 და 80–ფუნტიანი ტვირთით ერთი წუთის განმავლობაში აზიდვების შესრულებაში (შესაბამისად – 57 და 39 მოძრაობა თითოეულ სახეობაში). ამჯერად კი 80 ფუნტის ექვივალენტური 36.6 კგ წონის ზურგჩანთით წუთში 43 სრული აზიდვა შეასრულა და საკუთარი შედეგი მნიშვნელოვანი სხვაობით გააუმჯობესა. რეკორდის დამყარება საქართველოს რეკორდების ფედერაციის მსაჯთა კომისიამ დაადასტურა. ფედერაციის სერტიფიკატთან ერთად, ჯიქურაულს გადაეცა ბრიტანული ორგანიზაცია „რეკორდსმენთა რესპუბლიკის“ (RHR) სერტიფიკატიც, რომლის გაცემის უფლება საქართველოს რეკორდების ფედერაციას ქვეყნის მასშტაბით ექსკლუზიურად ეკუთვნის.

ბადრი ჯიქურაულმა წოლბჯენიდან აზიდვაში თავისი რეკორდი მოხსნა

ბადრი ჯიქურაული 1970 წელს, დუშეთის რაიონში დაიბადა. 1990 წელს მიენიჭა სპორტის ოსტატის წოდება ძალოსნობაში. 1992–2000 წლებში მუშაობდა დუშეთის რაიონის შს სამმართველოს კრიმინალური პოლიციის სისხლის სამართლის სამძებროს განყოფილების ინსპექტორად. 2013 წლიდან დღემდე მუშაობს გლდანის №8 სასჯელაღსრულების დაწესებულებაში, სამართლებრივი რეჟიმის ინსპექტორის პოზიციაზე.

ამ თემაზე:

„ორგზის რეკორდსმენი ბადრი ჯიქურაული საკუთარი შედეგის გაუმჯობესებას შეეცდება“

„სასჯელაღსრულების დეპარტამენტის თანამშრომელმა ორი რეკორდი მოხსნა“

„ქართველი რეკორდსმენები მსჯავრდებულებს შეხვდნენ (ვიდეო)“

„ქართველმა მსჯავრდებულმა ორი ახალი რეკორდი დაამყარა“

„პერუს მკაცრი რეჟიმის საპყრობილეში სარეკორდო ღონისძიება გაიმართა“

21 December 2015

იოსებ ხუციშვილმა ორი ახალი რეკორდი დაამყარა

აზიდვა ცალ ხელზე ტვირთით – სპორტი
მრავალგზის რეკორდსმენმა – პოლიციის მაიორმა იოსებ ხუციშვილმა ორი ახალი მსოფლიო რეკორდი დაამყარა. ღონისძიება 17 დეკემბერს, შინაგან საქმეთა სამინისტროსა და „კოკა-კოლა ბოთლერს ჯორჯიას“ მხარდაჭერით ჩატარდა. შედეგები ადგილზე დააფიქსირა საქართველოს რეკორდების ფედერაციამ.

პირველ ცდაზე იოსებ ხუციშვილმა ნახევარ წუთში 10.42 კგ წონის ტვირთით ორძელზე 33 მოძრაობა შეასრულა, შემდეგ კი 21.22–კილოგრამიანი ზურგჩანთით ცალ ხელზე ერთი წუთის განმავლობაში 56–ჯერ აიზიდა და 2013 წელს დამყარებული საკუთარი რეკორდი 10 ერთეულით გააუმჯობესა.

რეკორდი ორძელზე ვარჯიშში

ამავე ღონისძიებაზე საკუთარი მიღწევის გაუმჯობესებას შეეცადა შინაგან საქმეთა სამინისტროს კიდევ ერთი თანამშრომელი – ლეიტენანტი ვახტანგ ლუქუნიძე. მისი მიზანი იყო საკუთარი ეროვნული რეკორდის გაუმჯობესება ტურნიკზე ერთ წუთში ე.წ. „თავისუფალი სტილით“ მიზიდვაში. ლუქუნიძემ გაიმეორა წინა შედეგი – 45 მიზიდვა, თუმცა, სამწუხაროდ, ახალი რეკორდი არ დაფიქსირდა.

საქართველოს რეკორდების ფედერაციის მსაჯთა კომისიამ ადგილზე დაადასტურა იოსებ ხუციშვილის ორივე შედეგი. ფედერაციის სერტიფიკატებთან ერთად, ხუციშვილს გადაეცა ბრიტანული საერთაშორისო ორგანიზაციის – „რეკორდსმენთა რესპუბლიკის“ (RHR)  სერტიფიკატებიც. შეგახსენებთ, რომ საქართველოს რეკორდების ფედერაცია „რეკორდსმენთა რესპუბლიკის“ ოფიციალური წარმომადგენელია და მინიჭებული აქვს სერტიფიკაციის ექსკლუზიური უფლება მთელი ქვეყნის მასშტაბით.

საქართველოს რეკორდების ფედერაციის მსაჯები

ამჟამად, შინაგან საქმეთა სამინისტროს უწყებაში საქართველოს რეკორდების ფედერაციის მიერ სერტიფიცირებული ხუთი რეკორდსმენი ირიცხება: შსს–ს ლოჯისტიკის დეპარტამენტის სპორტული კომპლექსის განყოფილების უფროსი – იოსებ ხუციშვილი, ამავე დეპარტამენტის უფროსი მოადგილე – ვახტანგ ლუქუნიძე, აგრეთვე სპეციალური და საგანგებო ღონისძიებების ცენტრის თანამშრომლები: იოსებ კობახიძე, ჟანრი ნოდია და გიორგი მანველიძე, რომლებმაც რეკორდსმენის ტიტულები აზიდვების სხვადასხვა სახეობაში მიღწეული შედეგებით დაიმსახურეს.

ამ თემაზე:






17 December 2015

ორგზის რეკორდსმენი ბადრი ჯიქურაული საკუთარი შედეგის გაუმჯობესებას შეეცდება

ბადრი ჯიქურაული - Badri Jikurauli
ორგზის მსოფლიო რეკორდსმენი აზიდვებში – ბადრი ჯიქურაული საკუთარი რეკორდის გაუმჯობესებას შეეცდება. სარეკორდო ასპარეზობა ხვალ – 17 დეკემბერს, სსიპ „გლდანის პროფესიული მომზადების ცენტრში“ ჩატარდება. ღონისძიების მხარდამჭერია გლდანის რაიონის გამგეობა.

45 წლის იუსტიციის უმცროსი ლეიტენანტი ბადრი ჯიქურაული გლდანის №8 სასჯელაღსრულების დაწესებულების სამართლებრივი რეჟიმის ინსპექტორია. მიმდინარე წლის 7 აპრილს მან ორი რეკორდი მოხსნა 60 და 80–ფუნტიანი ტვირთით ერთი წუთის განმავლობაში აზიდვების შესრულებაში (შესაბამისად – 57 და 39 მოძრაობა თითოეულ სახეობაში).

ბადრი ჯიქურაული ამყარებს რეკორდს აზიდვაში

ხვალინდელ ასპარეზობაზე ბადრი ჯიქურაული 80–ფუნტიანი (36.28 კგ) ტვირთით საკუთარი შედეგის გაუმჯობესებას შეეცდება. მიზნის მისაღწევად მან 60 წამში 39–ზე მეტი აზიდვა უნდა შეასრულოს.

ბადრი ჯიქურაული 1970 წელს, დუშეთის რაიონში დაიბადა. 1990 წელს მიენიჭა სპორტის ოსტატის წოდება ძალოსნობაში. 1992–2000 წლებში მუშაობდა დუშეთის რაიონის შს სამმართველოს კრიმინალური პოლიციის სისხლის სამართლის სამძებროს განყოფილების ინსპექტორად. 2013 წლიდან დღემდე მუშაობს გლდანის №8 სასჯელაღსრულების დაწესებულებაში, სამართლებრივი რეჟიმის ინსპექტორის პოზიციაზე.

ამ თემაზე:

„შინაგან საქმეთა სამინისტროს თანამშრომლები რეკორდების დამყარებას შეეცდებიან“

„სასჯელაღსრულების დეპარტამენტის თანამშრომელმა ორი რეკორდი მოხსნა“

„ქართველი რეკორდსმენები მსჯავრდებულებს შეხვდნენ (ვიდეო)“

„ქართველმა მსჯავრდებულმა ორი ახალი რეკორდი დაამყარა“

„შინაგან საქმეთა სამინისტროს თანამშრომლებმა რეკორდები დაამყარეს“

„იოსებ ხუციშვილმა ბრიტანელი პედი დოილის რეკორდი მოხსნა“

„პერუს მკაცრი რეჟიმის საპყრობილეში სარეკორდო ღონისძიება გაიმართა“

16 December 2015

შინაგან საქმეთა სამინისტროს თანამშრომლები რეკორდების დამყარებას შეეცდებიან

იოსებ ხუციშვილი და ვახტანგ ლუქუნიძე შსს რეკორდსმენები
შინაგან საქმეთა სამინისტროს თანამშრომლები – მაიორი იოსებ ხუციშვილი და ლეიტენანტი ვახტანგ ლუქუნიძე ახალი რეკორდების დამყარებას შეეცდებიან. ღონისძიება ხუთშაბათს – 17 დეკემბერს, 13:00 საათზე, სამინისტროს სპორტულ კომპლექსში ჩატარდება. რეკორდის დამყარების პროცესს საქართველოს რეკორდების ფედერაციის წარმომადგენლები დააკვირდებიან. ასპარეზობის მხარდამჭერები არიან შინაგან საქმეთა სამინისტრო და „კოკა-კოლა ბოთლერს ჯორჯია“.

მრავალგზის მსოფლიო რეკორდსმენი – პოლიციის მაიორი იოსებ ხუციშვილი ორი რეკორდის დამყარებას აპირებს: თავდაპირველად, იგი შეეცდება გააუმჯობესოს საკუთარი მიღწევა და ერთი წუთის განმავლობაში 21–კილოგრამიანი ზურგჩანთით ცალ ხელზე 46–ზე მეტი აზიდვა შეასრულოს. შემდეგ კი 30 წამში 10–კილოგრამიანი ტვირთის თანხლებით ორძელზე მაქსიმალური რაოდენობის აზიდვებს შეასრულებს.

იოსებ ხუციშვილი მსოფლიო რეკორდი ცალი ხელით აზიდვაში

საკუთარი შედეგის გაუმჯობესებას შეეცდება ლეიტენანტი ვახტანგ ლუქუნიძეც, რომელსაც ეკუთვნის ეროვნული მასშტაბის რეკორდი ე.წ. „თავისუფალი სტილით“ ტურნიკზე მიზიდვაში. ახალი მიღწევის დასაფიქსირებლად ერთი წუთის განმავლობაში მინიმუმ 46 მიზიდვის შესრულებაა საჭირო.

ვახტანგ ლუქუნიძე ტურნიკზე მიზიდვა 1 წუთში

ამჟამად შინაგან საქმეთა სამინისტროს უწყებაში საქართველოს რეკორდების ფედერაციის მიერ სერტიფიცირებული ხუთი რეკორდსმენი ირიცხება: შსს–ს ლოჯისტიკის დეპარტამენტის სპორტული კომპლექსის განყოფილების უფროსი – იოსებ ხუციშვილი, ამავე დეპარტამენტის უფროსი მოადგილე – ვახტანგ ლუქუნიძე, აგრეთვე სპეციალური და საგანგებო ღონისძიებების ცენტრის თანამშრომლები: იოსებ კობახიძე, ჟანრი ნოდია და გიორგი მანველიძე, რომლებმაც რეკორდსმენის ტიტულები აზიდვების სხვადასხვა სახეობაში მიღწეული შედეგებით დაიმსახურეს.

ამ თემაზე:

„სასჯელაღსრულების დეპარტამენტის თანამშრომელმა ორი რეკორდი მოხსნა“

„შინაგან საქმეთა სამინისტროს თანამშრომლებმა რეკორდები დაამყარეს“

„შსს–ს ორი თანამშრომელი რეკორდების დამყარებას შეეცდება“

„იოსებ ხუციშვილმა ბრიტანელი პედი დოილის რეკორდი მოხსნა“

„პოლიციის კაპიტანი იოსებ ხუციშვილი გინესის რეკორდის მოხსნას შეეცდება“