ჩხოროწყუში ყველაზე დიდი ელარჯი მომზადდება სახელმწიფო დაცვის სპეციალური სამსახურის თანამშრომელმა მეორე რეკორდი დაამყარა სახელმწიფო დაცვის სპეციალური სამსახურის თანამშრომელმა მსოფლიო რეკორდი დაამყარა მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა იოსებ ხუციშვილმა მორიგი რეკორდი დაამყარა

17 August 2016

გურამ უსტიაშვილმა კბილებით ოთხი ავტომობილი გაათრია

გურამ უსტიაშვილმა 4 მინი კუპერი კბილებით გასწია
ძალოსანმა გურამ უსტიაშვილმა საკუთარი რეკორდი გაამუჯობესა: მან ერთმანეთზე გადაბმული ოთხი ავტომობილი კბილებით გაათრია. ღონისძიება რეკორდების ფედერაციის ორგანიზებით ჩატარდა, მხარდამჭერი კი საქართველოს მინი კუპერის ფანკლუბი იყო.

ასპარეზობა 16 აგვისტოს, მეტეხის ტაძრის ეზოში ჩატარდა. წესების თანახმად, სპორტსმენს ავტომობილები სამი მეტრის მანძილზე უნდა გადაეადგილებინა, თუმცა უსტიაშვილმა თითქმის ხუთჯერ გადააჭარბა დადგენილ ნორმას და ზუსტად 14.51 მეტრი დააფიქსირა.

“ამ რეკორდისთვის ექვსი თვის განმავლობაში ვემზადებოდი.შედეგის მიღწევა საკმაოდ გამიჭირდა, თუმცა მომავალში აუცილებლად შევეცდები მის გაუმჯობესებას” – განაცხადა გურამ უსტიაშვილმა.

ავტომობილების გათრევის რეკორდი – გურამ უსტიაშვილი

გურამ უსტიაშვილის რეკორდი მეტეხის ტაძრის ეზოში

გურამ უსტიაშვილი ორგზის რეკორდსმენია

შეგახსენებთ, რომ გურამ უსტიაშვილისთვის ეს რეკორდი პირველი არ ყოფილა – მისი დებიუტი 2013 წელს, „თბილისობის“ დღესასწაულზე შედგა: ჟურნალ "აუტო ბილდის" მიერ ორგანიზებულ ავტოშოუზე მან კბილებით ერთდროულად სამი ავტომობილი გაწია.

ამ თემაზე:

“გურამ უსტიაშვილი საკუთარი რეკორდის გაუმჯობესებას შეეცდება”

“„რუსთავი 2“–ის პირდაპირ ეთერში მსოფლიო რეკორდი დამყარდება!”

15 August 2016

გურამ უსტიაშვილი საკუთარი რეკორდის გაუმჯობესებას შეეცდება

ძალოსანი გუგა უსტიაშვილი კბილებით მანქანების გათრევას აპირებს
მსოფლიო რეკორდსმენი გურამ უსტიაშვილი საკუთარი შედეგის გაუმჯობესებას გეგმავს: 22 წლის ძალოსანი კბილებით ერთმანეთზე გადაბმული ოთხი ავტომობილის გათრევას შეეცდება. მოქმედი რეკორდის ავტორი თავად უსტიაშვილია, რომელმაც 2013 წელს სამი ავტომობილის გათრევა მოახერხა.

ღონისძიება ხვალ – 16 აგვისტოს, 14:00 საათზე, მეტეხის ტაძრის ეზოში გაიმართება. წესების თანახმად, პრეტენდენტმა კბილებით მინიმუმ 3 მეტრ მანძილზე უნდა გადაადგილოს ერთმანეთზე გადაბმული მაქსიმალური რაოდენობის სატრანსპორტო საშუალება.

გურამ უსტიაშვილისთვის ეს ასპარეზობა პირველი არ არის – მისი დებიუტი 2013 წელს, „თბილისობის“ დღესასწაულზე შედგა: ჟურნალ "აუტო ბილდის" მიერ ორგანიზებულ ავტოშოუზე მან კბილებით ერთდროულად სამი ავტომობილი გაწია. რეზულტატი ადგილზე დააფიქსირა საქართველოს რეკორდების ფედერაციამ.

ამ თემაზე:

“„რუსთავი 2“–ის პირდაპირ ეთერში მსოფლიო რეკორდი დამყარდება!”

14 August 2016

ჯაგა ზვიადაურმა სასჯელაღსრულების დაწესებულებაში მეოთხე რეკორდი დაამყარა

ჯაგა ზვიადაურმა ჩადომაში მეოთხე რეკორდი მოხსნა
მსჯავრდებულმა ჯაგა ზვიადაურმა “ჩაჯდომებში” მორიგი რეკორდი დაამყარა. ღონისძიება 12 აგვისტოს, სასჯელაღსრულებისა და პრობაციის სამინისტროს №17 რუსთავის პენიტენციურ დაწესებულებაში გაიმართა.

39 წლის ჯაგა ზვიადაურმა “ჩაჯდომები” ამჯერად მარცხენა ფეხით, ჰორიზონტალურ ძელზე შემდგარმა შეასრულა. ერთი წუთის განმავლობაში მან 37 მოძრაობა შეასრულა და იტალიელი სილვიო საბას შედეგს 7 ერთეულით გადააჭარბა. რეკორდის დამყარების პროცესს საქართველოს რეკორდების ფედერაციის მსაჯები, დაწესებულების ადმინისტრაციის წარმომადგენლები და მსჯავრდებულები დაესწრნენ.

“დღეს მეოთხე რეკორდი დავამყარე. ვარჯიშის გაგრძელებას ვაპირებ და მომავალში უფრო რთული და საინტერესო რეკორდების მოხსნას შევეცდები” – განაცხადა ზვიადაურმა.

ჯაგა ზვიადაური სასჯელს 2006 წლიდან იხდის. რეკორდების დამყარება მან 2015 წელს დაიწყო. აღსანიშნავია, რომ იგი ამჟამად ერთადერთი, საქართველოს ისტორიაში კი მეორე მსჯავრდებულია, რომელმაც პენიტენციურ დაწესებულებაში რეკორდსმენის სტატუსი მოიპოვა.


ამ თემაზე:

“მსჯავრდებულმა ჯაგა ზვიადაურმა საკუთარი რეკორდი მოხსნა”

“ჯაგა ზვიადაური საკუთარი რეკორდის გაუმჯობესებას შეეცდება”

“მსჯავრდებულმა ჯაგა ზვიადაურმა ახალი მსოფლიო რეკორდი დაამყარა”

“მსჯავრდებულმა ჯაგა ზვიადაურმა მსოფლიო რეკორდი დაამყარა”

“მსჯავრდებული ჯაგა ზვიადაური რეკორდის დამყარებას შეეცდება”

“მსჯავრდებული რეკორდსმენი კუკური სალბიშვილი პატიმრობიდან გათავისუფლდა”

“გაიღიმე, ცხოვრება გრძელდება!” – ქართველი პატიმარი რეკორდსმენის
ავტობიოგრაფია”

“ქართველი რეკორდსმენები მსჯავრდებულებს შეხვდნენ (ვიდეო)”

“ქართველმა მსჯავრდებულმა ორი ახალი რეკორდი დაამყარა”

“მსჯავრდებული კუკური სალბიშვილი ორი ახალი რეკორდის დამყარებას შეეცდება”

09 August 2016

გიორგი მათურელმა აზიდვაში მეშვიდე რეკორდი დაამყარა

გიორგი მათურელს ფედერაციისგან მე–7 სერტიფიკატი გადაეცა
ექვსგზის მსოფლიო რეკორდსმენმა – გიორგი მათურელმა აზიდვაში მეშვიდე რეკორდი დაამყარა. სპორტული ღონისძიება 7 აგვისტოს, დაბა თიანეთის სახალხო დღესასწაულ “თიანეთობა 2016”–ის ფარგლებში ჩატარდა.

ასპარეზობის მიზანი 30 წამის განმავლობაში 100–ფუნტიანი (45კგ) ზურგჩანთით ამობრუნებულ მტევნებზე მაქსიმალური რაოდენობის აზიდვის შესრულება იყო. მიზნის მისაღწევად სპორტსმენს მინიმუმ 20 აზიდვა უნდა შეესრულებინა. მათურელის რეზულტატმა მნიშვნელოვნად გადააჭარბა დაწესებულ ნორმატივს: მან 46.7–კილოგრამიანი ტვირთით 30 წამში 39 მოძრაობის შესრულება მოასწრო. შედეგი საქართველოს რეკორდების ფედერაციის მსაჯებმა დააფიქსირეს.

აზიდვები ამოტრიალებულ მტევნებზე 45კგ ტვირთით

“ეს ჩემთვის კიდევ ერთი დიდი წარმატებაა! ახალი რეკორდებისთვის ვარჯიშს მომავალშიც გავაგრძელებ” – განაცხადა სპორტსმენმა.

გიორგი მათურელი 1987 წლის 1 იანვარს, დაბა თიანეთში დაიბადა. 2013 წლიდან დღემდე დამყარებული აქვს ექვსი რეკორდი მუშტებზე აზიდვაში (ცალ ხელზე, ორივე ხელზე, დამატებითი სიმძიმით). მათ შორის ერთი – 2014 წლის 26 მარტს, საქართველოს რეკორდების ფედერაციის მიერ გამართულ „აზიდვების შეჯიბრზე“ დააფიქსირა, როდესაც 31 კგ წონის ზურგჩანთით წუთში 48 აზიდვა შეასრულა და 9 მონაწილეს შორის პირველი ადგილი დაიკავა.

ამ თემაზე:

“გიორგი მათურელი “თიანეთობაზე” მორიგი რეკორდის დამყარებას შეეცდება”

“თიანელმა სპორტსმენებმა „თიანეთობაზე“ ორი რეკორდი დაამყარეს”

“თიანეთობა 2015“–ზე ორი რეკორდის დამყარება იგეგმება”

“გიორგი მათურელმა მეხუთე რეკორდი დაამყარა”

“გიორგი მათურელი ახალი რეკორდის დამყარებას შეეცდება”

“აზიდვების შეჯიბრზე ახალი მსოფლიო რეკორდი დამყარდა”

07 August 2016

გიორგი მათურელი “თიანეთობაზე” მორიგი რეკორდის დამყარებას შეეცდება


თიანეთობა 2016–ზე გიორგი მათურელი იასპარეზებს
ექვსგზის მსოფლიო რეკორდსმენი – გიორგი მათურელი აზიდვებში მორიგი რეკორდის დამყარებას შეეცდება. ასპარეზობა დღეს, დაბა თიანეთის სახალხო დღესასწაულ “თიანეთობა 2016”–ის ფარგლებში გაიმართება.

ამჯერად, გიორგი მათურელის მიზანია, ამოტრიალებულ მტევნებზე დაყრდნობით და დამატებით 45–კილოგრამიანი ზურგჩანთით 30 წამში მაქსიმალური რაოდენობის აზიდვების შესრულება. რეკორდის დამყარების პროცესს საქართველოს რეკორდების ფედერაციის მსაჯები დააკვირდებიან.

გიორგი მათურელი 1987 წლის 1 იანვარს, დაბა თიანეთში დაიბადა. 2013 წლიდან დღემდე დამყარებული აქვს ექვსი რეკორდი მუშტებზე აზიდვაში (ცალ ხელზე, ორივე ხელზე, დამატებითი სიმძიმით). მათ შორის ერთი – 2014 წლის 26 მარტს, საქართველოს რეკორდების ფედერაციის მიერ გამართულ „აზიდვების შეჯიბრზე“ დააფიქსირა, როდესაც 31 კგ წონის ზურგჩანთით წუთში 48 აზიდვა შეასრულა და 9 მონაწილეს შორის პირველი ადგილი დაიკავა.

ამ თემაზე:

“თიანელმა სპორტსმენებმა „თიანეთობაზე“ ორი რეკორდი დაამყარეს”

“თიანეთობა 2015“–ზე ორი რეკორდის დამყარება იგეგმება”

“გიორგი მათურელმა მეხუთე რეკორდი დაამყარა”

“გიორგი მათურელი ახალი რეკორდის დამყარებას შეეცდება”

“აზიდვების შეჯიბრზე ახალი მსოფლიო რეკორდი დამყარდა”

06 August 2016

ქართველმა რეკორდსმენებმა RHR Cup–ის შეჯიბრზე იასპარეზეს

ფედერაციის სპორტსმენები საერთაშორისო შეჯიბრზე
31 ივლისს საქართველოს რეკორდების ფედერაციის სპორტსმენები “რეკორდსმენთა რესპუბლიკის თასის” შეჯიბრში ჩაერთვნენ და ძალისმიერი სპორტის სახეობებში საკუთარი შედეგები დააფიქსირეს. შეჯიბრის გამარჯვებულები ორი კვირის განმავლობაში გამოვლინდებიან.

“რეკორდსმენთა რესპუბლიკის თასი” (RHR Cup 2016) საერთაშორისო გუნდური ტურნირია, სადაც მონაწილეები ერთმანეთს რეკორდების დამყარებაში ეჯიბრებიან. ღონისძიებები დისტანციურად, სხვადასხვა ქვეყანაში ტარდება, გამარჯვებულს კი, მიღებული ქულათა რაოდენობის მიხედვით, უმაღლესი მიღწევების მარეგისტრირებელი საერთაშორის ორგანიზაციის – “რეკორდსმენთა რესპუბლიკის” ხელმძღვანელები გამოავლენენ.

წლევანდელ ღონისძიებაში საქართველოდან ხუთმა რეკორდსმენმა რვა სახის შეჯიბრში იასპარეზა. მათ შორის ყველაზე მეტი, 3–3 “ჩელენჯი” დავით ჟორჟოლიანმა და გიორგი როსტომაშვილმა შეასრულეს. ჟორჟოლიანმა 50–მეტრიანი მანძილი 55 კგ წონის ზურგჩანთით 10.59 წამში გაირბინა, 14 კგ ტვირთით 2.57–მეტრიანი ნახტომი შეასრულა, სამმაგი ნახტომით კი ჯამში  6.02 მეტრი დაფარა. გიორგი როსტომაშვილმა კეფაზე ჩამოკიდებული 25–კილოგრამიანი სიმძიმით 25 მეტრი 6.34 წამში გაირბინა, ჰორიზონტალური მდგომარეობიდან ამოწია წვივებზე მოთავსებული შტანგის 25–კილოგრამიანი ფილა და იმავე წონის ტვირთის “ფლიპინგში” ორივე ხელით წუთში 42 მოძრაობა გააკეთა. დავით ბეგიაშვილმა ლახტით (სახტუნაოთი) ცალ ფეხზე წუთში 138 გატარება შეასრულა. მერაბ არავიაშვილმა და ირაკლი ვეკუამ ერთსა და იმავე სახეობაში იასპარეზეს: აზიდვაში, ორძელში, მუცლის პრესის ვარჯიშში და ჰორიზონტალური მდგომარეობიდან 90–გრადუსიანი კუთხით ფეხების ამოწევაში50–50 გამეორება არავიაშვილმა 4.15 წუთში მოასწრო, ვეკუამ კი  4.16–ში. შედეგები უკვე გაიგზავნა დიდ ბრიტანეთში, სადაც ორი კვირის განმავლობაში შეჯიბრის რეზულტატები შეჯერდება და გამარჯვებულები გამოვლინდებიან.

დავით ჟორჟოლიანი და გიორგი როსტომაშვილი

აღსანიშნავია, რომ გასულ წელს საქართველოს რეკორდების ფედერაციის სპორტსმენებმა “რეკორდსმენთა თასზე” წარმატებულად იასპარეზეს: სამდღიან ღონისძიებაზე 18 მსოფლიო რეკორდი დამყარდა, შედეგად ფედერაციამ გუნდურ ჩათვლაში მეორე ადგილი დაიკავა, ინდივიდუალური რეზულტატების მიხედვით კი პირველ ადგილზე გიორგი როსტომაშვილი გავიდა.

ამ თემაზე:

“ქართველმა რეკორდსმენებმა მორიგი საერთაშორისო აღიარება მოიპოვეს”

“ქართველი რეკორდსმენების წარმატება „რეკორდსმენთა რესპუბლიკის თასზე”

“ქართველმა რეკორდსმენებმა 3 დღეში 18 რეკორდი დაამყარეს”

“ქართველი რეკორდსმენები „რეკორდსმენთა რესპუბლიკის თასზე“ იასპარეზებენ”