ჩხოროწყუში ყველაზე დიდი ელარჯი მომზადდება სახელმწიფო დაცვის სპეციალური სამსახურის თანამშრომელმა მეორე რეკორდი დაამყარა სახელმწიფო დაცვის სპეციალური სამსახურის თანამშრომელმა მსოფლიო რეკორდი დაამყარა მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა იოსებ ხუციშვილმა მორიგი რეკორდი დაამყარა

22 September 2016

სასაზღვრო პოლიციის თანამშრომელმა მსოფლიო რეკორდი დაამყარა

ზურაბ ლუხოშვილი – რეკორდსმენი
შსს სასაზღვრო პოლიციის თანამშრომელმა  – კაპიტანმა ზურაბ ლუხოშვილმა ე.წ. “ჩაჯდომებში” მსოფლიო რეკორდი დაამყარა. ღონისძიება საქართველოს კუდოს ფედერაციის მხარდაჭერით თბილისში, სპორტულ კლუბ “ფიტნეს 31–ში” ჩატარდა.

რეკორდის მოსახსნელად სპორტსმენს, 80 ფუნტი (36.3 კგ) წონის ზურგჩანთით წუთში სულ მცირე 43–ზე მეტი ჩაჯდომა უნდა შეესრულებინა. მოქმედი რეკორდი – 42 ჩაჯდომა, იტალიის მოქალაქე სილვიო საბას ეკუთვნოდა, მისი წინამორბედი კი ბრიტანელი პედი დოილი იყო, 40 ერთეულით. ზურაბ ლუხოშვილს მიზნის მიღწევა არ გასჭირვებია: მან 60 წამის განმავლობაში 63 ჩაჯდომის გაკეთება მოასწრო და გინესის მსოფლიო რეკორდების ნორმატივს 20 ერთეულით გადააჭარბა. შედეგი ადგილზე დააფიქსირეს საქართველოს რეკორდების ფედერაციის მსაჯებმა.

ზურაბ ლუხოშვილი ასრულებს ჩაჯდომებს 36.4 კგ ჩანთით

კუდოს ფედერაცია

– “რეკორდის მოხსნა ჩემთვის დიდ სირთულეს არ წარმოადგენდა, თუმცა ამ შედეგის მისაღწევად დაახლოებით ექვსთვიანი მომზადება დამჭირდა. ვარჯიშს ვაგრძელებ და იმედი მაქვს, მომავალში ახალი რეკორდების დამყარებასაც შევძლებ. მხარდაჭერისთვის მინდა მადლობა გადავუხადო საქართველოს კუდოს ფედერაციას და მის ხელმძღვანელებს – ბატონ ალექსი ფილფანს და დავით ხახუტაშვილს” – განაცხადა რეკორდსმენმა.

– “ზურაბ ლუხოშვილის წარმატებაში დარწმუნებული ვიყავი, თუმცა ასეთ მაღალ შედეგს არ ველოდი: თითოეულ ჩაჯდომას ერთ წამზე ნაკლებ დროში ასრულებდა და შესვენება საერთოდ არ გამოუყენებია. ვთვლი, რომ წარმატებული ღონისძიება გამოგვივიდა. თანამშრომლობისთვის მადლობას ვუხდი სპორტულ კლუბ “ფიტნეს 31–ს” და საბრძოლო ხელოვნება კუდოს ეროვნულ ფედერაციას” – განაცხადა რეკორდების ფედერაციის პრეზიდენტმა, დავით ბეგიაშვილმა.

ზურაბ ლუხოშვილი 1983 წლის 3 სექტემბერს, ყვარლის რაიონის სოფელ ახალსოფეში დაიბადა. 2004 წელს დაამთავრა იაკობ გოგებაშვილის სახელობის თელავის სახელმწიფო უნივერსიტეტის დაწყებითი სამხედრო მომზადებისა და ფიზ–აღზრდის ფაკულტეტი. 2009 წლიდან მუშაობს საქართველოს შსს სასაზღვრო პოლიციის სახმელეთო საზღვრის დაცვის დეპარტამენტში, ჯგუფის უფროსის პოზიციაზე. წარსულში სპორტით პროფესიონალურ დონეზე დაკავებული არ ყოფილა. მისთვის ეს სარეკორდო ასპარეზობა პირველია.

ამ თემაზე:

“პოლიციის კაპიტანი ზურაბ ლუხოშვილი მსოფლიო რეკორდის დამყარებას შეეცდება”

“მაიორმა იოსებ კობახიძემ რეკორდი დაამყარა”

“იოსებ ხუციშვილმა ორი ახალი რეკორდი დაამყარა”

“ავღანეთში დაჭრილი ქართველი ჯარისკაცები ახალი რეკორდების დამყარებას გეგმავენ”

“კაპრალმა თემურ დადიანმა საკუთარი რეკორდი გააუმჯობესა”

“შინაგან საქმეთა სამინისტროს თანამშრომლებმა რეკორდები დაამყარეს”

19 September 2016

პოლიციის კაპიტანი ზურაბ ლუხოშვილი მსოფლიო რეკორდის დამყარებას შეეცდება

მესაზღვრე ზურაბ ლუხოშვილი რეკორდის დამყარებას აპირებს
შსს სასაზღვრო პოლიციის დეპარტამენტის თანამშრომელი, კაპიტანი ზურაბ ლუხოშვილი ე.წ. “ჩაჯდომების” ვარჯიშში მსოფლიო რეკორდის დამყარებას შეეცდება. ღონისძიება 21 სექტემბერს, 13:00 საათზე, სპორტულ კლუბ “ფიტნეს 31–ში” (თბილისი,ბოგდან ხმელნიცკის ქ. №181) ჩატარდება. რეკორდის მხარდამჭერია საბრძოლო ხელოვნება კუდოს ეროვნული ფედერაცია.

მსოფლიო რეკორდის დასამყარებლად, ზურაბ ლუხოშვილმა 80–ფუნტიანი (36.287 კგ) ზურგჩანთის თანხლებით, ერთი წუთის განმავლობაში სულ მცირე 43 ჩაჯდომა უნდა შეასრულოს. ამჟამად გინესის მოქმედი რეკორდი 42 ჩაჯდომაა და იტალიის მოქალაქე სილვიო საბას ეკუთვნის, მანამდე კი, 40 ჩაჯდომით, პირველ ადგილს ბრიტანელი პედი დოილი იკავებდა.

ზურაბ ლუხოშვილი 1983 წლის 3 სექტემბერს, ყვარლის რაიონის სოფელ ახალსოფეში დაიბადა. 2004 წელს დაამთავრა იაკობ გოგებაშვილის სახელობის თელავის სახელმწიფო უნივერსიტეტის დაწყებითი სამხედრო მომზადებისა და ფიზ–აღზრდის ფაკულტეტი. 2009 წლიდან მუშაობს საქართველოს შსს სასაზღვრო პოლიციის სახმელეთო საზღვრის დაცვის დეპარტამენტში, ჯგუფის უფროსის პოზიციაზე. წარსულში სპორტით პროფესიონალურ დონეზე დაკავებული არ ყოფილა. მისთვის ეს სარეკორდო ასპარეზობა პირველია.

ამ თემაზე:


“იოსებ ხუციშვილმა ორი ახალი რეკორდი დაამყარა”



08 September 2016

DJ ვაჟიკომ 3–დღიანი უწყვეტი მუსიკალური მარათონი შეასრულა

დიჯეი ვაჟიკომ უწყვეტ რეჟიმში 68 საათი დაუკრა
21 წლის ქართველმა დიჯეიმ – ვაჟიკო მელიქიძემ (DJ VajikoM) ღამის კლუბში 3 დღის განმავლობაში შეუჩერებლად დაუკრა და საქართველოს რეკორდი დაამყარა. თავდაპირველად, იგი გინესის რეკორდის მოხსნას გეგმავდა, თუმცა გადაღლილობის გამო ღონისძიების ნაადრევად დასრულება გადაწყვიტა.

დროის ათვლა კლუბ “კაბანაში” 5 სექტემბერს, 10:00 საათზე დაიწყო და დღეს – 8 სექტემბერს, დილის 6 საათსა და 53 წუთზე დასრულდა. საერთო ჯამში, მარათონის ხანგრძლივობამ ზუსტად 68 საათი და 53 წუთი შეადგინა.

რეკორდის დამყარების პროცესს მუდმივად ესწრებოდნენ საქართველოს რეკორდების ფედერაციის წარმომადგენლები, მარათონი კი ფედერაციის ინტერნეტ–მაუწყებლობის საშუალებით პირდაპირ ეთერში გადაიცემოდა.

აღსანიშნავია, რომ დიჯეი ვაჟიკოსთვის ეს სარეკორდო მცდელობა პირველი არ ყოფილა: გასულ წელს მან უკრაინაში შეუჩერებლად 50 საათისა და 50 წუთის განმავლობაში დაუკრა.

გინესის მსოფლიო რეკორდების ინფორმაციით, ყველაზე ხანგრძლივი DJ–ინგის რეკორდი ირლანდიელ ნორბერტ სელმაჟს ეკუთვნის. მან 2014 წლის 19–დან 27 ნოემბრის ჩათვლით 200–საათიანი მარათონი შეასრულა.

ამ თემაზე:

“ქართველი დიჯეი გინესის რეკორდის მოხსნას შეეცდება”

“თამარ ბაბილუამ ფორტეპიანოზე დაკვრაში რეკორდი დაამყარა”

04 September 2016

ქართველი დიჯეი გინესის რეკორდის მოხსნას შეეცდება

ვაჟიკო მელიქიძე დიჯეი მარათონისთვის ემზადება
ქართველი დიჯეი – ვაჟიკო მელიქიძე (DJ VajikoM) გინესის რეკორდის მოსახსნელად ემზადება: 21 წლის მუსიკოსი მსოფლიოში ყველაზე ხანგრძლივი დიჯეი–მარათონის გამართვას გეგმავს. პროექტის სპონსორები არიან: Karlito Studio და Alma Records–ი.

მარათონი ხვალ – 5 სექტემბერს თბილისში, კლუბ “კაბანაში” აიღებს სტარტს. სარეკორდო დროის ათვლა 10:00 საათზე დაიწყება. გინესის მოთხოვნების თანახმად, დიჯეი ვაჟიკომ არანაკლებ 200 საათის განმავლობაში შეუჩერებლად უნდა დაუკრას. მას მხოლოდ 5–წუთიანი შესვენებების გამოყენების უფლება აქვს ყოველი სრული ერთსაათიანი მუშაობის შემდეგ.

რეკორდის დამყარების პროცესს უწყვეტ რეჟიმში დააკვირდებიან საქართველოს რეკორდების ფედერაციის წარმომადგენლები. ღონისძიებისთვის თვალყურის დევნება ინტერნეტის საშუალებითაც იქნება შესაძლებელი: მთლიანი მარათონი ფედერაციის ვებ–გვერდზე, პირდაპირ ეთერში გადაიცემა.

აღსანიშნავია, რომ დიჯეი ვაჟიკოსთვის ეს პირველი სარეკორდო მცდელობა არ არის. გასულ წელს მან უკრაინაში შეუჩერებლად 50 საათისა და 50 წუთის განმავლობაში დაუკრა.

ამ თემაზე:

“თამარ ბაბილუამ ფორტეპიანოზე დაკვრაში რეკორდი დაამყარა”