ჩხოროწყუში ყველაზე დიდი ელარჯი მომზადდება სახელმწიფო დაცვის სპეციალური სამსახურის თანამშრომელმა მეორე რეკორდი დაამყარა სახელმწიფო დაცვის სპეციალური სამსახურის თანამშრომელმა მსოფლიო რეკორდი დაამყარა მხატვარმა ვახტანგ აბაშიძემ მორიგი რეკორდი ზეპირ მათემატიკურ გამოთვლაში დაამყარა იოსებ ხუციშვილმა მორიგი რეკორდი დაამყარა

26 October 2016

დავით ხარატიშვილის წარმატება “თბილისიმარათონზე”

დავით ხარატიშვილი – თბილისიმარათონი 2016
საქართველოს რეკორდების ფედერაციის მსაჯმა და „რეკორდსმენთა რესპუბლიკის“ წარმომადგენელმა საქართველოში – დავით ხარატიშვილმა, “თბილისიმარათონი 2016”–ზე წარმატებული შედეგი აჩვენა: მან 10–კილომეტრიანი დისტანცია თავის ასაკობრივ კატეგორიაში ყველაზე სწრაფად გაირბინა.

მასშტაბური სოციალური პროექტი – “თბილისიმარათონი”, კომპანია ჰაიდელბერგცემენტის ორგანიზებით ხორციელდება და საქველმოქმედო ხასიათს ატარებს. ღონისძიება წელს უკვე მეხუთედ ჩატარდა და მასში 2000–ზე მეტმა მოხალისემ მიიღო მონაწილეობა.

წლევანდელ გარბენში დავით ხარატიშვილმა 10–კილომეტრიან დისტანციაზე იასპარეზა და ფინიშის ხაზი 42 წუთსა და 17 წამში გადაკვეთა. ეს შედეგი მის ასაკობრივ კატეგორიაში საუკეთესო აღმოჩნდა. აღსანიშნავია, რომ დავითი “თბილისიმარათონში” უკვე ზედიზედ მეოთხედ მონაწილეობს: წინა გარბენებში იგი 21–კილომეტრიან დისტანციაზე ასპარეზობდა. 2013 წელს შესაბამის ასაკობრივ კატეგორიაში მესამე ადგილი დაიკავა, 2014–ში – მეხუთე, შარშან – მეოთხე, წლევანდელ შეჯიბრზე კი 10 კილომეტრიან დისტანციაზე აჩვენა უმაღლესი შედეგი.

ყოფილი მოკრივე და მძლეოსანი დავით ხარატიშვილი 2012 წლიდან საქართველოს რეკორდების ფედერაციის მსაჯთა კომისიის წევრია. სხვადასხვა დროს იყო ამერიკის მოყვარულ მოკრივეთა ასოციაციისა და ნიუ–იორკის მორბენალთა კლუბის წევრი. 2015 წელს დაინიშნა უმაღლესი მიღწევების მარეგისტრირებელი ორგანიზაცია “რეკორდსმენთა რესპუბლიკის” (RHR) რეგიონალურ წარმომადგენლად საქართველოში.

ამ თემაზე:

“დავით ხარატიშვილი “რეკორდსმენთა რესპუბლიკის” წარმომადგენლად დაინიშნა”

11 October 2016

იოსებ ხუციშვილმა ვეტერანთა მსოფლიო ჩემპიონატზე ბრინჯაოს მედალი მოიპოვა (VIDEO)

Veteran World Championships 2016 - Ioseb Khutsishvili bronze
მრავალგზის მსოფლიო რეკორდსმენმა, შინაგან საქმეთა სამინისტროს თანამშრომელმა იოსებ ხუციშვილმა თავისუფალი სტილით ჭიდაობაში ვეტერანთა მსოფლიო ჩემპიონატზე წარმატებით იასპარეზა და ბრინჯაოს მედალი მოიპოვა.

ჩემპიონატი პოლონეთში, 7–დან 9 ოქტომბრის ჩათვლით მიმდინარეობდა. 85 კგ წონით კატეგორიაში იოსებ ხუციშვილს თორმეტი კონკურენტი ჰყავდა. მესამე ადგილისთვის ბრძოლაში იგი პოლონელ ტომას იაროჟკიევიჩს დაუპირისპირდა და 57–ე წამზე დაამარცხა.



აღსანიშნავია, რომ იოსებ ხუციშვილისთვის ეს პირველი მასშტაბური წარმატება არ ყოფილა. 2013 წელს ბელფასტში, “პოლიციისა და სახანძრო სამსახურის მსოფლიო ოლიმპიადის” ფინალში, პერუელი მოწინააღმდეგე დაამარცხა და ოქროს მედალი მოიპოვა.

36 წლის მაიორი იოსებ ხუციშვილი შსს–ს ლოჯისტიკის დეპარტამენტის სპორტული კომპლექსის განყოფილებას ხელმძღვანელობს. მას საქართველოს რეკორდების ფედერაციის ორგანიზებით 10–ზე მეტი მსოფლიო რეკორდი აქვს დამყარებული აზიდვებსა და ორძელზე ვარჯიშში.

ამ თემაზე:

“იოსებ ხუციშვილმა ორი ახალი რეკორდი დაამყარა”

“შინაგან საქმეთა სამინისტროს თანამშრომლები რეკორდების დამყარებას შეეცდებიან”

“სასჯელაღსრულების დეპარტამენტის თანამშრომელმა ორი რეკორდი მოხსნა”

“შინაგან საქმეთა სამინისტროს თანამშრომლებმა რეკორდები დაამყარეს”

“შსს–ს ორი თანამშრომელი რეკორდების დამყარებას შეეცდება”

“იოსებ ხუციშვილმა ბრიტანელი პედი დოილის რეკორდი მოხსნა”

“პოლიციის კაპიტანი იოსებ ხუციშვილი გინესის რეკორდის მოხსნას შეეცდება“

10 October 2016

თემურ დადიანი პარამკლავჭიდში მსოფლიო ჩემპიონატის პრიზიორია

temur dadiani para-armwrestling world championships bronze
ორგზის მსოფლიო რეკორდსმენი – 25 წლის თემურ დადიანი პარამკლავჭიდის მსოფლიო ჩემპიონატის პრიზიორია: ბულგარეთში მიმდინარე ტურნირზე მან მარცხენა მკლავით ასპარეზობაში ბრინჯაოს მედალი მოიპოვა. აღსანიშნავია, რომ დადიანისთვის ეს წარმატება პირველი არ ყოფილა – წარსულში მას უკვე მოპოვებული აქვს ევროპისა და მსოფლიოს ვიცე–ჩემპიონის ტიტულები.

პარამკლავჭიდის XIX მსოფლიო ჩემპიონატი ბულგარეთის ქალაქ ბლაგოევგრადში 1–ელ ოქტომბერს გაიხსნა და დღეს დასრულდა. თემურ დადიანმა 6 ოქტომბერს მარცხენა მკლავით იასპარეზა და 65 კგ წონით კატეგორიაში მესამე საპრიზო ადგილი დაიკავა.

აღსანიშნავია, რომ ეს წარმატება თემურ დადიანისთვის პირველი არ ყოფილა: შარშან, პოლონეთში, პროფესიონალური მკლავჭიდის XV მსოფლიო თასზე (Zloty Tur World Cup 2015) მან ორივე მკლავით ვიცე–ჩემპიონი გახდა, მიმდინარე წლის მაისში კი კვლავ ვიცე–ჩემპიონის ტიტული მოიპოვა რუმინეთში გამართულ ევროპის ჩემპიონატზეც.

შეგახსენებთ, რომ თემურ დადიანი ISAF–ის სამხედრო მისიის ყოფილი მონაწილე, დაჭრილი ჯარისკაცია. მან ორივე ქვედა კიდური და მარჯვენა ხელის ნეკა თითი 2011 წლის 3 აგვისტოს, ავღანეთში, ხელნაკეთ ნაღმზე აფეთქების შედეგად დაკარგა. შემთხვევიდან ზუსტად სამი წლის შემდეგ თემურმა უპრეცედენტო მსოფლიო რეკორდი დაამყარა ე.წ. „ფლენჩ“ (Planche) აზიდვებში, მოგვიანებით კი საკუთარი შედეგი გააუმჯობესა. ამჟამად მსახურობს დავით აღმაშენებლის სახელობის ეროვნულ თავდაცვის აკადემიაში, პარალელურად სწავლობს შავი ზღვის საერთაშორისო უნივერსიტეტში, სოციალურ მეცნიერებათა ფაკულტეტზე.

ამ თემაზე: